نقشت اسمك على قلبي
حروف حروف...
حروف أربع على دربي
تزيّنها الورود ألوف
وجوّة القلب حطيتك
وبدم قلبي رويتك
وكنت انت المنى والروح
وتِشفي من ألم لِجروح
أشوف الدنيا بعيونك
ولون الشمس من لونك
وكنت أصحى على صوتك
تصحيني بضحكاتك
تناديني بهمساتك
تمسّيني بآهاتك
تشيل الحزن من صدري
تزيل الهم من فكري
وعيونك تعاف النوم
لو غبت عنك كم يوم
وفجأة دارت الايام
وبحر الحب صار أوهام !
وين صوتك يصحيني
وين الضحكة تحييني
وين الهمسة تندهلي
بنور الشمس تطلع لي
حاولت اسأل عن الأخبار
عن الأسباب،عن اللي صار
وكنت أسمع صُنوف أعذار
تخليني أتوه واحتار
ولما تعبت من التفكير
ومن التأويل والتفسير
لقيت اني بعيش أحلام
وكل الحب كان أوهام
وين الوفا يا ناس
لما القلوب تنداس
سنين طوال أقضّيها
في وهْم وحيرة بنهيها
وتأكد يا عديم الوفا
توقعت منك هذا الجفا
وعن نوادرك.. ياما كلموني
ومن أطماعك... ياما حذروني
وان أحلامك مهولة
ما بتحقق بسهولة
وما بتلاقيها يا صغيري
لا عندي ولا عند غيري
وهيك انت بتلعب بالنار
وطول عمرك بتظل محتار
ورح تلاقي عمرك طار
لا في الجنة ولا في النار
ورح تعرف ان الطماع
لا بِنْشَرى ولا بِنْباع
خذها مني حكمة ثمينة
خذها مني نصيحة أمينة
"إحنا رضينا بالهمّ
والهم ما رضي فينا "